Револвер на покојниот крал на рокенролот, Елвис Присли, беше продаден за неверојатни 200.000 долари на аукција откако изби војната со наддавање.

Револверот марка Smith & Wesson, модел 53, му бил подарен на Присли девет месеци пред неговата смрт на 42-годишна возраст во 1977 година.

„ТМЗ“ објави дека парчето сувенир било купено за 199.750 долари преку аукциската компанија „Рок ајланд“.

Конечната понуда повеќе од двојно е поголема од цената што се очекуваало да ја достигне. Предвидената цена се движела од 60.000 до 90.000 долари.

Додека покојниот хитмејкер беше познат по својот кадифено-мазен баритон, тој беше и колекционер на старо оружје, кога не ги доведуваше фановите до масовна хистерија во текот на своите настапи во живо.

Елвис вежбал гаѓање на своето стрелиште во Грејсленд и, бил познат по тоа што носел пиштол со себе на концертите во последните години од животот.

Според веб-страницата на аукциската куќа Rock Island, Елвис, пред неговата смрт, наводно поседувал 37 парчиња огнено оружје и автоматска пушка, вклучувајќи го и револверот што беше продаден на аукција.

Револверот го изгравира Расел Џеј Смит, мајстор гравер во „Смит и Весон“ во 1976 година како посебен, комеморативен подарок. За жал, Елвис имаше помалку од една година да ужива во својот прилагоден подарок.