Мислењата на фановите беа поделени во врска со најновото издание на Шејлин Вудли.
Актерката од серијата Big Little Lies, Шејлин Вудли, прошета на црвениот тепих на доделувањето на наградите „Еми“ во 2026 година, облечена во впечатлива креација на „Баленсијага“.
Иако оваа комбинација – која вклучуваше горен дел со смело длабоко деколте и панталони украсени со златни мониста – на модната ревија на „Баленсијага“ за сезоната есен/зима 2026 беше прикажана со црна наметка, Вудли ја надополни со ракавици во бургунди боја и ѓердан со скапоцени камења од „Howl Jewelry“, пренесува PageSix.
Оваа колоритна комбинација предизвика поделени реакции кај публиката. Еден корисник на веб-страницата на Vanity Fair коментираше: „Што, по ѓаволите, се случува овде? Кујнски ракавици и час по уметност?“
View this post on Instagram
„Имам прашања. Толку многу прашања“, напиша друг корисник на платформата X, додека трет се пошегува: „Шејлин Вудли пристигнува на ’Еми‘ 2026 во… Искрено, не сум сигурен што е ова, но сепак – ти си таму, јас не сум. Само напред.“
„Имам многу измешани чувства за оваа комбинација. Парчињата се прекрасни, но заедно изгледаат чудно“, гласеше друг коментар.
View this post on Instagram
Други се пошегуваа дека нејзиниот поранешен партнер Арон Роџерс – кој кон крајот на минатата недела привлече внимание со изјави за нивната врска – имал некаква улога во ова контроверзно издание.
„Девојко, твојот стилист е крт платен од Арон Роџерс“, се пошегуваа тие. Сепак, едно е сигурно: Шејлин Вудли сега може да ја додаде титулата добитник на наградата „Еми“ во својата професионална биографија. Таа ја освои наградата во категоријата „Најдобра гостинска улога на актерка во драмска серија“ за улогата на Ени, туристички водич во Грејсленд.
Претходно, таа беше номинирана во 2017 година за улогата во серијата Big Little Lies, но на крајот не победи во категоријата „Најдобра споредна женска улога во мини-серија“.
