Скопски премиери на „Сопри ја колата“ на Игор Христов и „Мртви корења“ на Меглен Трпков Анжиќ на третиот ден на фестивалот на филм и музика „ЅИРНИ“.
Денеска, со почеток од 13:00 часот во КОТУР ќе се одржи работилница за глума пред камера и како се прави selftape со актерката и режисерка Сара Климоска. Настанот е наменет за студенти по актерска игра, но и професионалци кои сакаат да слушнат за искуството на Сара.
Скопските премиери за вечерва се „Сопри ја колата“ во режија на Игор Христов и „Мртви корења“ во режија на Меглен Трпков Анжиќ. Фестивалот трае до 5 октомври на платото пред Дом на АРМ и во Кафе и филм КОТУР.
Распоредот и програмата се достапни на социјалните мрежи и веб-страницата на SИРНИ (www.dzirnifestival.com).
Денеска во КОТУР во 13 часот ќе се одржи работилница: Глума пред камера и self tape кастинг со Сара Климоска.
Сара Климоска е актерка од Северна Македонија, која дипломирала на Факултетот за драмски уметности во Скопје. Оттогаш изгради успешна кариера во низа домашни и меѓународни филмски и телевизиски проекти. Нејзината најнова главна улога е во филмот „Brother, Sister and a Manhole“, во режија на Милчо Манчевски, чија премиера е најавена за 2026 година. Ова е нејзина трета соработка со реномираниот режисер, по филмовите „Врба“ и „Кајмак“.
Меѓу позначајните филмски остварувања на Климоска се „You Won’t Be Alone“ во режија на Горан Столевски, кој имаше премиера на Санденс, „Housekeeping for Beginners“, прикажан на Филмскиот фестивал во Венеција, „Unshattered“ во режија на Елеонора Венинова и „Bauk“ во режија на Горан Радовановиќ, меѓу други.
На меѓународно ниво, таа настапуваше и во филмовите „Nico“ на Елине Геринг, „Family Secrets“ на Малик Витхал и „Reply“ на Џејсон Лестер. Климоска била дел од програмите Talent Campus на Сараевскиот филмски фестивал и на Берлиналето. Во 2022 година беше номинирана за наградата Heart of Sarajevo за улогата во телевизиската серија „Underneath“. Една година претходно, во 2021 година, беше избрана за European Shooting Star за нејзината улога во филмот „Lena and Vladimir“, во режија на Игор Алексов.
Локација: Дом на АРМ
19:30 Филмски проекции AРМ
Сопри ја колата / Игор Христов / 17’
Imaginary Numbers / Jelica Jerinić / 16’
Бадникови светилки / Ѓорѓи Лазов / 17’
Печурки од минатото / Ханис Багашов / 10’
nestling / Georgi Martev / 11’
My Grandmother is a Skydiver / Polina Piddubna / 13’
Локација: КОТУР
19:30 Проекции во Кино Котур
Still Running / Matija Štifanić / 16’
QUO VADIS JAN / Леона Јариќ / 10’
Сведоци / Јана Голабоска / 10’
Борби со ветерници / Борјан Гаговски / 24’
Procedure / Rabia Özmen / 18’
Зад затворените врати на уметникот кој умре / Марио Петковски / 23’
Мртви корења / Меглен Трпков Анжиќ / 25ʼ
21:00 Музичка селекција DaPhunk
По секоја филмска проекција следува разговор со присутните автори модерирани од Мартина Петреска и Ханис Багашов.
