Од верските календари

ikoni_23432423
Facebook
Twitter
LinkedIn
Telegram
WhatsApp
OK

14 мај 2023 







 

Според календарот на МПЦ (Јулијанскиот календар) денеска е 1 мај.

 

Светиот пророк Еремија

Роден 600 години пред Христа, во селото Анатот, недалеку од Ерусалим. Почна да пророкува во својата петнаесетта година, во времето на царот Јосија. Им пророкуваше за покајание на царот и на неговите големци, на лажните пророци и на свештениците и во времето на овој цар Јосија одвај си ја спаси главата од убиствените раце на огорчените големци. На царот Јоаким му прорече дека неговиот погреб ќе биде како погреб на магаре, т. е. мртов ќе биде исфрлен надвор од Ерусалим и телото долго ќе му се влечка по земјата непогребано. Заради ова Еремија беше фрлен во затвор. Бидејќи во затворот не можеше да пишува, го повика Варух, којшто застана покрај неговото затворско прозорче, а Пророкот почна да му диктира. Кога му го прочитаа ова пророштво на царот, тој гневен ја фрли хартијата во оган. Промислата Божја го спаси Еремија од затворот, а врз Јоаким се исполни зборот на Пророкот. На царот Јехониј пак, му прорече дека со целото семејство ќе биде одведен во Вавилон и дека ќе умре таму, коешто наскоро и се случи. Под царот Седекија Еремија си стави јарем на вратот и така одеше по градот Ерусалим, пророкувајќи го со тоа падот на Ерусалим и ропството под јаремот на Вавилонците. На еврејските робови во Вавилон им пишуваше да не се надеваат да се вратат во Ерусалим, зашто ќе останат во Вавилон седумдесет години – така и беше. Во долината Тотеф, под Ерусалим, каде што Евреите им принесуваа на идолите деца како жртви, Еремија зеде здрав лонец во рацете, го скрши пред народот, пророкувајќи ја брзата пропаст на Јудејското царство. Наскоро Вавилонците го зазедоа Ерусалим, го убија царот Седекија, го разорија и го ограбија градот, а огромен број Евреи беа заклани во долината Тотеф, на местото каде што Пророкот го искрши оној лонец. Еремија со левитите го зеде кивотот од храмот и го однесе на ридот Нават – каде што умре Мојсеј – и овде го скри во една пештера. Огнот од храмот пак, го скри во еден длабок бунар. Некои Евреи го принудија да оди со нив во Египет, каде поживеа четири години, а потоа беше од своите сонародници убиен со камења. На Мисирците им прорече дека идолите ќе им бидат разбиени и дека Дева со Младенецот ќе дојде во Мисир. Постои предание дека самиот цар Александар Велики го посетил гробот на Пророкот Еремија. На наредба од Александар телото на Еремија е пренесено и со почести погребано во Александрија. (Мисирците речиси го обожаваа Пророкот Еремија. Затоа и го погребаа како крал. Го сметаа за чудотворец и после смртта. Правот од неговиот гроб го земаа како лек против каснатици од змија. И ден денес мнозина христијани во молитва го повикуваат Пророкот Еремија против змии).

 

ОД КАТОЛИЧКИОТ КАЛЕНДАР

Денеска е 14 мај

 

Свети Матијас

Денеска го празнуваме свети апостол Матија. Роден е во 1 век во Јудеја. Според извештајот на свети Лука во Дела на апостолите, тој бил ученик на Исус кого единаесетте апостоли, фрлајќи коцки, го избрале наместо Јуда Искариот, кој се самоубил. „Во тоа време Петар стана и пред сите свои браќа – имаше околу сто и дваесет луѓе заедно – рече: „Браќа, Писмото пророкувано од Светиот Дух преку устата на Давид за Јуда, кој беше водач. од оние што го фатија Исуса, мораше да се исполни. Тој ни припаѓаше, и доби дел, односно оваа наша служба. и пукна во средината, така што целата утроба му се излеа. Тоа им стана толку познато на сите жители на Ерусалим што споменатата нива на нивниот јазик ја нарекуваа Хакелдам, тоа е Крвното поле. Навистина, во книгата на Псалмите стои напишано: “Пустен беше неговиот дом! Немаше кој да живее во него!” И повеќе! ‚Друг нека го преземе неговото надгледување!’ Затоа, еден од оние луѓе кои беа со нас цело време што Господ Исус го помина со нас, почнувајќи од крштевањето на Јован до денот кога тој беше вознесен меѓу нас, треба да биде со нас како сведок на неговото воскресение.’ Потоа предложија двајца: Јосиф, наречен Варсава со презиме Јустус и Матиј, а потоа ја молеа оваа молитва: „Господи, кој ги знаеш срцата на сите луѓе, покажи ни кој од овие двајца си го избрал да го заземе ова место. апостолска функција од која Јуда се повлече и отиде на своето вистинско место!’ Потоа им поделија коцки.

Facebook
Twitter
LinkedIn
Telegram
WhatsApp
OK