– Полициски службеници од Одделот за криминалистичка полиција, во координација со Одделението за внатрешни работи во Валандово запреле патничко возило „ауди“ со валандовски таблички управувано од З.А. (27). При преглед на возилото пронајдена е торба во која имало два килограми марихуана.

Лицето е лишено од слобода и за случајот е известен јавен обвинител. Малку подоцна, по добиена наредба од судија на претходна постапка од Основниот суд во Гевгелија, при извршен претрес во неговиот дом биле пронајдени куршуми и друга муниција.

Заедно со него, денеска е приведен и Б.О.(22) од Гевгелија за кој е утврдено дека бил инволвиран во недозволена трговија со наркотична дрога.

По документирање на случаите, од страна на ОВР Валандово до надлежното ОЈО Гевгелија ќе биде поднесена кривична пријава за извршено кривично дело по член 215 од Кривичниот законик.