23-годишен кавадарчанец е приведен откако му биле пронајдени и одземени таблети екстази, информира МВР.

„На 16.03.2024 во 21.00 часот на улица „Гоце Делчев“ во Кавадарци полициски службеници од ОВР Кавадарци го лишиле од слобода Ј.Ф.(23) од Кавадарци. При прегледот кај него биле пронајдени и одземени 100 таблети екстази“, велат од полицијата.

Додаваат дека „по издадена наредба од Основен суд Кавадарци бил извршен и претрес во неговиот дом и биле пронајдени и одземени 33 таблети екстази и пари“.

По документирање на настанот против него ќе биде поднесена соодветна пријава.