Синоќа на улицата Шералти во Битола, полициски службеници го приведоа У.К.(36) од селото Граешница, битолско.

Тој бил осуден на казна затвор во траење од три години за неовластено производство и пуштање во промет на наркотични дроги, психотропни супстанци и прекурзори, а бил баран по централна потерница врз основа на наредба од Казнено – поправната установа Затвор Битола за доиздржување на една година и седум месеци од казната.

Лицето било спроведено во казнено – поправната установа за доиздржување на казната.