Неочекувано убедливиот резултат на Студентската листа на вчерашните парламентарни избори ги става европските партнери на Србија во тешка позиција и сега тие мора да воспостават нови канали на комуникација, пишува денес берлинскиот портал „Tejbl.Jurop“.

Според тој портал, досега Брисел и Берлин го поддржуваа поранешниот претседател на Србија, Александар Вучиќ, кој поднесе оставка за да се кандидира за премиер, како наводен стабилизирачки фактор.

Понатаму се потсетува дека Европската народна партија, најсилната политичка група во Европскиот парламент, повеќе од една година размислува дали да го повлече статусот на набљудувач од Српската напредна партија (СНС) на Вучиќ, бидејќи неговото владеење станува сè поавторитативно.

„Брисел и Берлин досега држеа дистанца од Студентската листа, а сега мора да воспостават канали за комуникација“, пишува „Tejbl.Jurop“.

Порталот наведува дека Студентската листа освоила 52 проценти од гласовите на вонредните избори и ќе има 135-140 места во парламентот, како и рекордна излезност од околу 70 проценти.

Студентската листа ги мобилизираше гласачите на платформата за борба против корупцијата и зајакнување на владеењето на правото и транспарентноста, а движењето се роди по трагедијата во Нови Сад пред две години, објавува „Tejbl.Jurop“.