Со задоволство би сакале да објавиме дека нашиот фонд ВФП Дивиденда Акции ја прослави својата трета годишнина од основањето и сакаме да ја изразиме нашата искрена благодарност за Вашата постојана доверба и поддршка.
Во текот на изминатите три години, ВФП Дивиденда Акции постигна извонредни достигнувања, зацврстувајќи ја својата позиција како пионер во инвестицискиот пејзаж. Како прв дивиденден фонд во земјата кој им исплаќа дивиденда на своите инвеститори на годишно ниво, горди сме што го редефиниравме инвестициското искуство за нашите инвеститори.
Со гордост можеме да споделиме дека заедницата на инвеститори во сите фондови на ВФП брои повеќе од 8200 поединци, при што на фондот ВФП Дивиденда Акции припаѓаат повеќе од 450 инвеститори. Заклучно со 22.01.2024, Фондот постигна извонреден принос од основање од 38,67%, што ја покажува ефективноста на нашата инвестициска стратегија, посветеноста на нашиот тим и ригорозните истражувања. Дополнително, просечниот годишен принос со овој датум се искачи на 11,03% што значи дека клиент кој уплаќал редовно на 20ти секој месец од основањето на фондот заклучно 20.01.2023, со вредност на удел на 22.01.2024, остварил просечен годишен принос од 11,03%. Вашата доверба и посветеност беа движечката сила зад нашиот успех, и ние сме благодарни за можноста заеднички да креираме вредност.
За само три години, ВФП Дивиденда Акции достигна 7,5 милиони евра под управување. Дополнително, од основањето, Фондот исплати вкупно над 100 илјади евра дивиденда, обезбедувајќи постојан прилив на приходи за нашите инвеститори. Овој уникатен пристап не издвојува и ја одразува нашата посветеност на Вашиот финансиски успех.
Исто така сакаме да истакнеме ВФП Фонд Менаџмент надмина 90 милиони евра под управување во инвестициските фондови со кои управува, што претставува највисоко учество на пазарот на управување со средства во инвестициски фондови.
Додека го славиме ова постинување, со нетрпение очекуваме да го продолжиме нашето инвестициско патување заедно и да истражуваме нови можности за раст. Вашите повратни информации се непроценлив извор и ние сме посветени на дополнително подобрување на вредноста што ја носиме во вашите инвестициски портфолија.
