Претседателот на Србија Александар Вучиќ денеска изјави дека очекува за 10 до 15 дена пред мајските празници да се избере новата Влада на Србија.

„Да ги дочекаме велигденските празници и големото собрание со Република Српска, со нова влада. Тоа би имало смисла“, изјави Вучиќ за РТС.

Напомена дека можеби ќе има мали поместувања, но се надева оти пратениците нема да се налутат ако треба да работат за првомајските празници.

Вучиќ посочи и дека главната цел на новата влада ќе биде заштита на виталните национални и државни интереси и дека ќе остане на слободарскиот курс.

Тој рече и дека е задоволен од функционирањето на старата влада, но дека мора да има одредени промени.