Визното усогласување на Западен Балкан со ЕУ влијаеше на намалувањето на илегалната миграција

zapaden_balkan_#4534345
Facebook
Twitter
LinkedIn
Telegram
WhatsApp
OK

– Визното усогласување на земјите од Западен Балкан со Европската Унија влијаеше на намалување на бројот на илегални мигранти во ЕУ од овој регион, се наведува во извештајот на Европската комисија за состојбата во Шенген зоната, кој беше објавен денеска.







Мерките спроведени во текот на минатата година, како што е усогласувањето на визните политики на Западен Балкан и ЕУ „веќе дадоа добри први резултати со намален број на нерегуларни влезови во ЕУ од
на овој регион“.

Во извештајот се вели дека нерегуларната миграција минатата година го достигнала највисокото ниво од 2016 година со 330.000 нелегални гранични премини пријавени од Европската агенција за гранична и крајбрежна стража (Фронтекс).

Таканаречената балканска рута учествуваше со 43 проценти од сите нередовни влезови во 2022 година, а зад неа, втора најфреквентна рута беше медитеранската рута.

Илегалната миграција, се додава, носи со себе ризици како што се експлоатација и опасностите од нелегалните морски и копнени патишта.

Благодарение на зголемените контроли на надворешните граници на ЕУ, во извештајот се оценува дека Унијата е подобро подготвена од 2015 година за заеднички да го спречи нелегалниот прилив на мигранти.

„Во последниве месеци, беа направени напори за подобрување на граничната способност и поддршка на купувањето електронски системи за надзор на надворешната граница“, се вели во извештајот.

Заедничката визна политика на ЕУ е составен дел на Шенген и е една од најважните алатки за решавање на безбедносните ризици и предизвици што ги носи нерегуларната миграција во Шенген зоната, се додава во документот.

„Редовниот мониторинг на безвизните режими што ги има ЕУ со трети земји, особено со земјите од соседството на ЕУ, покажа дека остануваат важни предизвици во овој поглед“, се додава во извештајот на Европската комисија за состојбата во Шенген зоната.

Facebook
Twitter
LinkedIn
Telegram
WhatsApp
OK