Серија земјотреси утрово ја погодија БиХ. Првиот земјотрес, кој е регистриран во 04:06 часот, бил со јачина од 5,3 степени според Рихтеровата скала, со епицентар на границата на БиХ и Црна Гора, меѓу Никшиќ и Гак.

За тоа колку се „нишало“ сведочи видео од бензинска пумпа, пишува АТВ.

Полицата на која се чувале пијалоците, односно виното, толку се ниша што е чудо што ниту едно шише не паднало и не се скршило. Земјотресот што утрово ги погоди БиХ и Црна Гора предизвика лизгање на земјиштето на границата Гацко-Никшиќ.

Според мештаните, од јачината на земјотресот пукнале ѕидовите на некои куќи.

Земјотресот предизвика свлечишта во регионот на Голија, што го блокираше сообраќајот на оваа делница од патот.