Дојави за поставена бомба биле пријавени на десетина локации во Крагуевац, Србија, потврдуваат од полициската управа за српските медиуми.

Првата дојава за бомбата била пријавена денеска околу 11.30 часот, а досега вакви повици во крагуевачката полиција добила од „десетина локации“, потврдиле за Нова.рс од Управата на полицијата.

Извештаи за поставена бомба пријавија средни училишта, некои факултети, јавни претпријатија и приватни компании.

Од полицијата велат дека граѓаните се евакуирани од сите локации и дека на терен се увидни контрадиверзантски екипи, објавија српските медиуми.

Според неофицијални информации на Нова.рс, дојава за поставената бомба добиле во Првата и втората крагуевачка гимназија, Палатата на правдата, Фиат, како и Лидл.