Полицијата ја заврши кривичната истрага против 45-годишен маж и 26-годишна жена, осомничени дека на 24 март во Загреб киднапирале и ограбиле 86-годишна жена, соопшти Полициската управа во Загреб.

Полицијата соопшти дека 45-годишен маж и 26-годишна жена се осомничени дека заедно извршиле разбојништво, противправно лишување од слобода и измама во обид, додека 26-годишната жена е осомничена и за компјутерска измама.

Полицијата прецизира дека мажот и девојката се осомничени дека на 24 март околу 13 часот се возеле по улицата каде застанале пред 86-годишна жена. Потоа 45-годишникот го спуштил совозачкото стакло од автомобилот и лажно се претставил како полицаец, барајќи од 86-годишнишната да влезе во автомобилот.

Бидејќи 86-годишната жена не сакала да влезе, 26-годишна жена излегла од автомобилот, ја турнала на задното седиште од возилото, а потоа се вратила на возачкото седиште.

Во текот на возењето побарале од 86-годишната жена да им го предаде паричникот, а кога таа одбила, и го грабнале паричникот од рака. Потоа 26-годишната жена со банкарската картичка во два наврати подигнала 600 евра од банкомат, по што ја оставиле 86-годишната жена на улица и се оддалечиле.

Исто така, постои сомнеж дека дуото истиот ден околу 10 часот и 30 минути му пришле на 69-годишен маж кој седел на клупа на плоштад во Велика Горица и лажно му се претставиле како полицајци. Потоа го повикале да седне во автомобилот со нив за да „спроведат истрага“ и побарале од 69-годишникот да ги предаде сите пари и злато.

Кога 69-годишникот се вратил во станот, веднаш повикал полиција и го пријавил настанот.