Граѓаните на Србија чии тела беа пронајдени вчера во Словенија се идентификувани како Милош Ристиќ (33) и Жарко Чича (42), а загинале при искачување на врвот Триглав на Јулијанските Алпи.

Двајца искусни српски алпинисти беа пријавени за исчезнати во саботата и тогаш почна опсежна потрага по нив. Спасувачките екипи ги пронашле Србите во вторникот и се сомневаат дека тие паднале во провалија додека се искачувале, информираат од полициската управа Крањ.

Од настраданите планинари од Србија се простија пријателите, но и колеги кои немале ништо друго освен пофални зборови за двајцата мажи. Милош зад себе ги остави сопругата и малолетното дете.

„Нашите пријатели беа пронајдени од страна на Планинската служба на Словенија на почетокот на словенечката планина Триглав, на раскрсницата со алпинистичката германска рута и класичниот Чез Праг, со претпоставка дека биле соборени од лавина во текот на првата четвртина од искачувањето. Последниот поздрав од мене, добри луѓе, еден од моите ретки планинарски модели, ќе останете во моето срце и душа“, напиша еден пријател на планинарот на Фејсбук, каде ги објави нивните фотографии.