Утре (4 октомври 2024 година), во Салата на Општина Гевгелија, со почеток во 12:30 ч., ќе се одржи дебата со граѓанските организации регистрирани за вршење дејност на подрачјето на општина Гевгелија. Дебатата, на којашто ќе учествуваат и претставници на општинската администрација, е со цел успешна соработка и имплементирање проекти што се од интерес на граѓаните и општината од oбласта на: туризмот и културата, младите, заштита на животната средина и локалниот економски развој. За што, Општина Гевгелија ќе распише самостоен повик за поднесување предлог-проекти од граѓански организации во рамките на ReLOad2 – Регионална програма за локална демократијa што ја спроведува УНДП во соработка со локалните самоуправи.
