Eдногодишно бебе преживеало два дена пред возач на камион да го најде како лази по патот во Мисисипи.

Шерифот од Луизијана, Гери „Стич“ Гилори рече дека бебето, за кое се стравувало дека е мртво откако исчезнало во саботата, имало бројни каснувања од инсекти, но инаку изгледало добро.

Ова доаѓа откако четиригодишниот брат на бебето во понеделникот беше пронајден мртов во езеро зад мотел во близина на границата со Тексас.

Полицијата која ја истражува неговата смрт соопшти дека момчето последен пат било видено со неговата мајка Алија Џек (25) од Лејк Чарлс и едногодишното бебе на 6 јули. Таа беше уапсена во понеделникот вечерта во Меридијан, Мисисипи, на повеќе од 350 километри од местото.

Откако беше пронајдено телото на 4-годишното дете, властите, плашејќи се од најлошото, се подготвија да го пребараат езерото за бебето пред возачот на камионот да се јави на 911.

„На ова едногодишно бебе гледаме како на наше чудо бебе“, изјави Гилори на прес-конференција.

Тој рече дека детето поминало два дена изложено на силен дожд и ветрови кои ја опустошија американската држава.

Ураганот Берил го погоди и Источен Тексас рано во понеделникот – невреме што однесе седум животи и остави милиони без струја низ американскиот југ.

„Ова дете помина два дена надвор на невреме“, рече Гилори. „Фала му на Бога што го видел камионџијата“.