Oсомничениот за убиство на три лица во пукање во Пенсилванија е забарикадиран во дом во Трентон со заложници, пренесува NBC.

Вооружениот напаѓач, Андре Гордон (26), наводно пукал и убил три лица на две локации. Полицијата соопшти дека тој потоа го убил возачот со пиштол и побегнал во Њу Џерси.

Инцидентот започнал околу 8:52 часот кога полицајците биле испратени во дом во Левитаун по пријава за пукање, соопшти полицијата.

Властите соопштија дека Гордон, управувајќи украден автомобил, застрелал и убил две лица.

По тој инцидент, Гордон наводно пукал и убил уште едно лице пред да побегне.

Се верува дека Гордон ги познавал трите лица кои биле погодени, соопшти полицијата.

Вооружениот напаѓач побегнал од местото на настанот со сив автомобил.

Возилото е пронајдено напуштено во Трентон околу 11:38 часот, соопшти Државното правобранителство.

Окружното обвинителство соопштило околу 12:22 часот дека добило информација дека Гордон се заклучил во куќа во Трентон, со заложници.

– Сите информации поврзани со овој аспект од истрагата ги проследуваме до полицискиот оддел во Трентон – соопштија од обвинителството.