Џејкоб Даниел Хартман, медицинско лице во Риверсајд, Калифорнија, е обвинет за сексуален напад на онесвестена пациентка во болницата Кајзер Перманенте.

27-годишниот Хартман, беше уапсен откако беше обвинет за сексуален напад врз онесвестената личност.

Според јавните изјави, нападот се случил во средината на јануари, кога Хартман нападнал пациентка која се лекувала во таа болница. По апсењето, Џејкоб платил кауција од 55.000 долари и веднаш бил пуштен од притвор.

Хартман работи во болницата Кајзер Перманенте од 2018 година како здравствен едукатор, според информациите на неговата страница Линкедин.

Болницата објави соопштение во кое нагласува дека безбедноста и квалитетот на грижата за пациентите се нивен главен приоритет и дека веднаш започнале внатрешна истрага откако дознале за обвинувањата против Хартман.

Инспекторите веруваат дека постои можност за дополнителни жртви кои се уште не се јавиле и ги повикуваат сите потенцијални жртви да контактираат со полицијата.