Приоритет за Бугарија и Турција останува визијата за проширување на трговско-економската соработка и поврзаност, изјави претседателот на Бугарија, Румен Радев по средбата со неговиот турски колега Реџеп Таип Ердоган.

Двајцата разговараа во Анталија, каде Радев учествуваше на дипломатски форум на покана на Ердоган:

„Го поканив претседателот на Турција да ја посети Бугарија и се надевам дека тоа ќе се случи оваа година, но зависи, се разбира, зависи од тоа дали ќе имаме стабилна влада. Неговото доаѓање во Бугарија мора многу сериозно да се подготви со нови и ажурирање на старите меморандуми, огромен бизнис форум и отворање нови можности за соработка. Тој ќе дојде доброволно. И повторно велам – важно е да имаме одржлива влада“, вели Радев.

Темата на Дипломатскиот форум во Анталија е посветена на промоцијата на дипломатијата како средство за надминување на кризите. Решавањето на конфликтите во регионот, колку и да е сериозно, може да се направи дипломатски, рече Радев и го даде примерот на војната во Украина.