Шарл Мишел, претседателот на Европскиот совет, се огласи за смртта на Алексеј Навални на социјалната мрежа „Икс“.

Тој напиша дека Навални се борел за вредностите на слободата и демократијата и дека ја направил крајна жртва за своите идеали.

„ЕУ го смета рускиот режим одговорен за неговата трагична смрт. Изразувам најдлабоко сочувство до неговото семејство, но и до сите оние кои се борат за демократија ширум светот во најмрачни услови. Борците умираат, но борбата за слобода никогаш не умира“, изјави Мишел.