Американскиот министер за одбрана Лојд Остин ќе сведочи пред Конгресот на 29 февруари, во врска со тоа што не ја открил својата дијагноза на рак и последователната хоспитализација, вклучително и криејќи од претседателот Џо Бајден, изјави денеска портпаролот на Конгресот.

„Министерството за одбрана му потврди на Комитетот за вооружени служби на Претставничкиот дом дека Остин ќе сведочи пред комисијата на 29 февруари во врска со потегот да не ја објави неговата хоспитализација“, рече портпаролката на Комитетот за вооружени служби Џастин Трипати.

Остин се извини за време на телевизискиот брифинг минатата недела што не им кажал на Бајден и на високиот персонал за неговата неодамнешна дијагноза на рак на простата предвреме, додавајќи дека стравот за здравјето бил удар што го вознемирил.

Остин (70) се извини и за начинот на кој се справи со последователната хоспитализација, која со денови се чуваше во тајност од јавноста, високиот персонал и самиот Бајден. Инцидентот предизвика политички метеж. Некои истакнати републиканци, вклучително и поранешниот претседател Доналд Трамп, побараа смена на Остин од функцијата.

Остин е пензиониран генерал, кој ги водеше силите во Ирак и е првиот црн секретар за одбрана на Америка. Бајден рече дека има доверба во Остин, и покрај тоа што претседателот се согласи дека е погрешна проценката.