„Министерот Јетон Шаќири, заедно со поткупената директорка на ООУ „Тодор Јанев” – Елена Николова во Чашка со месеци се обидуваат незаконски да воведат албанска паралелка. Ваквото дивеење на Шаќири и на неговата платеничка Николова наиде на силен отпор од населението во Чашка, кое секој ден протестира против великоалбанската агенда на амнестираните бандити од ДУИ“, велат од Левица.

„Во текот на вчерашните протести, платеничката на ДУИ, односно директорката Елена Николова со полиција три пати се обиде да влезе во просториите на училиштето. Но, родителите кои протестираа, заедно со пратеникот од Левица – Борислав Крмов и советникот во општина Велес – Димитар Абрашев, се спротиставија на полицијата и не дозволија директорката да влезе во училиштето“, се наведува во соопштението на Левица.

„Овој искрен гнев на населението на Чашка трае со месеци и родителите секој ден протестираат пред училиштето. Директорката Николова е принудена секој ден да доаѓа со полиција на своето работно место, каде е соочена со револтот на родителите. За жал, медиумите и јавноста речиси и ги нема да пренесат за секојдневниот искрен отпор на населението во Чашка, кое е подготвено нивните деца да изгубат и училишна година – само за да не помине насилството на Шаќири и ДУИ!

Во овие мигови за Републиката, окупирана од квинслинзите од СДС и балистите од ДУИ, локалното население во Чашка држи лекција за храброст, истрајност и отпор против насилниците на власт“, се додава во соопштението на Левица.