Продажбата на возилата за јавна хигиена Грин Машинс порасна за 40% во 2023 споредено со 2022 година.

Растот се должи на зголемената продажба на возилата на веќе постоечките пазари во светот, но и на отворањето нови пазари во текот на 2023 година, пред се во Мексико, Индонезија, Кувајт, но и во регионот, односно во Босна и Херцеговина како нов пазар, покрај присутноста во сите други соседни држави.

БРАКО произведува повеќе типови возила за чистење од марката Грин Машинс, на електричен, водороден и класичен погон.

Возилата се продаваат во над 60 земји низ целиот свет, а електричниот и хидрогенскиот модел се најбарани во развиените земји, каде се во склад со современите трендови за создавање на одржливи и еколошки општества.

Опремени со најсовремена технологија, се одликуваат со извонредна ефикасност и економичност, издржливи и лесни се за управување, тивки при работа и пријателски кон животната средина.