Ќебапите се составен дел или додаток на ручекот кога станува збор за неделен пикник или собирање на семејството во домот. Но, доколку сте често незадоволни од меленото месо и купениот ќебап, ние ви предлагаме начин да ги подготвите со оригинален рецепт.

Треба да се користи мешавина од месо, а основата е говедско месо во кое може да се додаде овчо, јагнешко или свинско месо. А важното правило е дека месото кое се користи за ќебапи мора да биде „распрскано“, односно малку подебело.

Состојки:

1,5 кг мелено говедско месо

1/2 кг свинско месо

4-5 чешниња лук

сол

2 лажички сода бикарбона

Подготовка:

Добро посолете го месото исечкано на коцки, прелијте со околу 100 мл вода и лук кој претходно сте го свариле.

Промешајте ја смесата и оставете ја во фрижидер преку ноќта. Следниот ден смесата сомелете ја во машина за месо двапати, оставете ја да отстои неколку часа на собна температура, а потоа ставете ја во фрижидер. Пред да почнете да ги обликувате ќебапите, измешајте сода бикарбона во смесата и ќебапите се спремни за скара.

Иако се верува дека вкусните ќебапи имаат многу зачини, тајната е во едноставноста – нема јајца, вегета, нема ни кромид во ќебап масата, бидејќи се додава свеж при послужување.