Јапонските власти објавија, врз основа на транскриптот од разговорот во контролната кула, дека патничкиот авион кој вчера на аеродромот во Токио се судри со турбопропекторскиот авион на крајбрежната стража добил дозвола за слетување, но помалиот авион не добил дозвола за полетување, пренесува Ројтерс.
Во сударот на два авиони на аеродромот Ханеда загинаа пет од шесте членови на екипажот на крајбрежната стража кои беа ангажирани во пресрет на силниот земјотрес на западниот брег на Јапонија, а капетанот кој успеа да излезе од урнатините бил тешко повреден.
Сите 379 луѓе во Ербасот А350 на Јапонија ерлајнс можеа да се евакуираат по пожарот кој избувна по судир со турбопропектор на крајбрежната стража Де Хавиланд Даш-8.
Властите штотуку започнаа истрага, а околностите за падот се неизвесни, вклучително и како двата авиони завршиле на иста писта.
Експертите нагласуваат дека на вакви авионски несреќи најчесто им претходи грешка или непочитување на неколку безбедносни процедури.
Сепак, транскриптите од инструкциите од контролната кула објавени од властите се чини дека покажуваат дека авионот на Japan Airlines бил пуштен да слета, додека на авионот на крајбрежната стража му било кажано да заземе позиција на место за задржување во близина на пистата.
Официјален претставник на јапонското биро за цивилна авијација им изјави на новинарите дека нема индикации во транскриптите дека авионот на крајбрежната стража имал дозволен да полета, според Ројтерс.
Во меѓувреме, полицијата во Токио истражува дали евентуалното професионално невнимание довело до смртни случаи и повреди, објавија неколку медиуми, вклучително и Кјодо и деловниот весник Никеи.
Јапонскиот Одбор за безбедност на транспортот (JTSB) ја истражува несреќата, а учествуваат агенции во Франција, каде што е направен Ербасот и Британија, каде што се направени неговите два мотори Ролс-Ројс.
Властите соопштија дека JTSB ја извлекла црната кутија од авионот на крајбрежната стража, а полицијата во Токио истражува дали причината за несреќата е можно професионално невнимание, објавија неколку медиуми, вклучително и Кјодо и деловниот весник Никеи, објави Ројтерс.
