Членови на сепаратистичка група ноќеска убиле 11 и раниле повеќе луѓе во напад на полициска станица во југоисточен Иран, јави државната телевизија.
Нападот се случил во градот Раск, на околу 1.400 километри југозападно од Техеран. Заменик-гувернерот на провинцијата Систан и Белучистан, Али Реза Мархемати изјави дека во нападот биле убиени и повредени високи припадници на полицијата и армијата, а полицијата убила неколку напаѓачи, пренесува АП.
Gunmen attack on police station in the small town of Rask in the southeastern Iran province of Sistan and Baluchestan kills at least 12, 7 wounded.
Responsibility has been claimed by Jaish ul-Adl group. pic.twitter.com/r88cEpaM5r
— Clash Report (@clashreport) December 15, 2023
Иранската државна телевизија ја обвини сепаратистичката група Џаиш ал-Адл за нападот, која во 2019 година ја презеде одговорноста за самоубиствениот напад на автобус во кој загинаа 27 членови на иранската Револуционерна гарда.
Во последните месеци, милитантите и малите сепаратистички групи во претежно сунитскиот регион извршија неколку напади врз полициски станици. Провинцијата Систан и Балучистан е една од најнеразвиените области во Иран.
