Рускиот претседател Владимир Путин денеска се извини откако пензионерка му се пожали на високите цени на јајцата и другите прехранбени производи.

За време на традиционалната предновогодишна сесија „Маратон К+А“ на која преку медиумите одговара на прашања на граѓани од цела Русија, пензионерката Ирина Акопова е прикажана како седи на својата кујнска маса и му се обраќа на претседателот преку видео врска, пренесува Ројтерс.

„Владимир Владимирович, помилуј ги пензионерите! Не добиваме милионски пензии. Нагло поскапеа јајцата, пилешките гради и крилцата. Сметам на вас да ни помогнете“, рекла таа, пренесува Танјуг.

Според Ројтерс, Путин и се извинил на жената.

„Се извинувам за ова, но ова е неуспех на работата на владата. Ветувам дека ситуацијата ќе се поправи во блиска иднина“, рече Путин.