Foto/ EPA

Реал Сосиедад го декласира Виљареал на гостински терен во 16.коло, во Примера. Баските, кои сезонава изборија место во осминафиналето во Лигата на шампионите, за 11 минути ги решија сите дилеми околу конечниот победник.

Во 38. минута Микел Мерино погоди за 0:1, а три минути подоцна и Мартин Зубименди ја затресе мрежата на Виљареал.

Во четвртата минута од судиското надополнување во првото полувреме се беше решено кога Јапонецот Такефуса Кубо го постигна третиот гол за Реал Сосиедад.

Екипата од Баскија ја забележа осмата победа во сезоната, а Виљареал осми пат е поразен. Сосиедад е петти со 29 бода, а Виљареал се наоѓа на 13.место со 16 бода.