Полицијата вчера ги приведе С.Џ.(19) и 35-годишната М.М., двајцата од Велес. Тие се сомничат дека заедно со малолетничка од Скопје и малолетник од Велес во текот на денот од продажен објект во Велес одзеле повеќе предмети.

„С.Џ. и М.М. се приведени во полициска станица, а со малолетниците, во присуство на нивните родители, бил извршен службен разговор“, велат од МВР.

Одземените предмети биле пронајдени и ќе бидат вратени на сопственикот.

За настанот бил известен јавен обвинител и по негово документирање ќе биде поднесена соодветна пријава.