Војската на Израел објави снимка од камерата на еден од првите полицајци што пристигнал на местото на масакрот на фестивалот Супернова веднаш по упадот на Хамас на 7 октомври.

На видеото се гледа како тој набрзина се приближува до морничавото празно место каде неколку часа претходно се одржувал музички фестивал.

Полицаецот вика и прашува дали има повредени. Нема одговори.

Снимката потоа се замаглува додека полицаецот се приближува до бројните трупови. На видеото опишува што гледа, ги брои убиените и гласно прашува дали има живи.

„Полицијата е тука. Има ли повредени? вика панично.

На фестивалот беа убиени над 300 луѓе.