Земјотрес со јачина од 6,4 степени според Рихтеровата скала го погоди западниот дел на Непал, објави Непалскиот национален сеизмолошки центар, додека очевидци велат дека тој предизвикал уривање на куќи во областа и тресење на згради во Њу Делхи, Индија.
Непалската агенција објави дека земјотресот се случил во 23:47 часот по локално време во областа Јајаркот, провинцијата Карнали. Јајаркот се наоѓа на околу 500 километри западно од главниот град Катманду.
„Куќите се урнаа. Луѓето брзаат да ги напуштат своите домови. Јас сум надвор во толпа преплашени жители. Се обидуваме да дознаеме повеќе детали за штетата“, изјави полицискиот службеник Сантош Рока.
Earthquake in Delhi.
Live real footage of my room.#earthquake #nepal #bhukamp #भूकंप pic.twitter.com/mPDJK8BM9l
— Praveen Dixit (@praveendixit485) November 3, 2023
Според очевидци на Ројтерс, земјотресот ги потресе зградите во Њу Делхи, на околу 600 километри. Видеата на платформата за социјалните медиуми Х, порано позната како Твитер, покажуваат луѓе како трчаат на улица додека некои згради се евакуираат.
Германскиот истражувачки центар за геонауки (ГФЗ) го процени земјотресот на јачина од 6,2 степени и на длабочина од 10 километри.
