Претседавачот со ОБСЕ и министер за надворешни работи, Бујар Османи денеска е во работна посета на Виена каде на негово барање се одржува засилен состанок на Постојаниот совет на ОБСЕ.

На состанокот ќе бидат отворени прашањата поврзани со предизвиците на организацијата, актуелните состојби во регионот на ОБСЕ, и други.

Во рамки на својата посета, Османи во својство на претседавач со ОБСЕ ќе се обрати и на специјален настан посветен на управувањето со ризици од катастрофи под тема „Солидарноста на Скопје пресликана низ регионот на ОБСЕ: Учење од минатото за соочување со денешните заеднички предизвици“, а ќе ја посети и изложбата „ Ниедно чувство не е конечно. Колекција на солидарноста Скопје“.