Витор Роке, тинејџерската сензација од Бразил, блеска во дресот на Атлетико Паранаенсе.

18. годишниот напаѓач, наредното лето се сели во Барселона. Шпанскиот клуб пред неколку месеци за 40.000.000 евра го договори трансферот на Витор Роке. Атлетико повеќекратно заработи од неговиот трансфер, бидејќи пред две години тие на Крузеиро му платија 5.000.000 евра.

Роке имаше добра сезона се до мечот со Интернасионал. Се повреди во 11.минута, со солзи во очите го напушти теренот, а бразилските медиуми пишуваат дека го очекува долга пауза.

Оваа сезона на 41 натпревар, Роке постигна 20 гола и забележа осум асистенции.

🇧🇷 Bad injury for Vitor Roque tonight… pic.twitter.com/1DSqfrDbZ9

— Fabrizio Romano (@FabrizioRomano) September 21, 2023