2,3 тони кокаин се запленети во шпанскиот пристанишен град Виго. Локалната полиција во соработка со американската агенција за борба против наркотици ДЕА пронашла кокаин скриен во рибарски брод. Уапсени се пет лица, а според полицијата дрогата е на таканаречениот Балкански картел.
Полицијата го пресретнала бродот натоварен со кокаин на оддалеченост од околу 40 наутички милји од Виго и уапсила четворица членови на екипажот на бродот, а подоцна и уште едно лице кое го придружувало товарот. Тој побегнал во Мадрид, но на крајот бил пронајден во хотел и уапсен. Полицијата упаднала и во стан во Ла Коруња каде запленила луксузен автомобил и околу 200.000 евра.
Шпанската полиција соопшти дека шверцерите ја доставувале дрогата со контејнерски бродови, за подоцна да ја претоварат во помали пловила. Утврдено е дека Балканскиот картел имал намера да ги користи шпанските пристаништа како транзитна точка за транспорт на кокаин од Јужна Америка.
👉Incautamos 2300 kilos de cocaína en un 🛥 frente a las costas de #Vigo
🚔 5 detenidos
🚨La embarcación fue abordada por el #GEO a unas 40 millas de la costa gallega
Los 👮♀👮 incautaron 200.000 💶 en efectivo y un 🚗 de alta gama pic.twitter.com/zErpzoEg5K
— Policía Nacional (@policia) September 16, 2023
