На само 25 километри од линијата на фронтот, студентите во Харков учат под земја во метро станиците во градот, пишува „Јуронјуз“.

Властите во вториот по големина украински град одлучија дека ова е најбезбедната опција, но и можност младите повторно да се дружат, работејќи рамо до рамо. Весникот наведува дека Русија уништила повеќе од 1.300 училишта во Украина. Но, децата во земјава сонуваат за својата иднина и работат на остварување на своите амбиции, наведува „Јуроњуз“.

Учениците од 11-то одделение се подготвуваат за приемен испит.

„По две години учење онлајн, многу е добро кога ќе дојдеш и ќе ги видиш очите на луѓето. Кога можете да ги слушнете не преку звучниците на вашиот уред, туку со вашите сопствени уши. Во принцип, овој метод е многу полесен за учење“, изјави за „Јуроњузу“ ученикот Јегор Расторгуи.

Неговата соученичка Софија Семенчук се надева дека приватните часови ќе и помогнат да го положи приемниот испит.

„Планирав да влезам во Киевскиот национален универзитет на студии по програмирање, за компјутерски технологии, така што треба да имам напредна подготовка за математика, се разбира, и за украинскиот јазик“, рече таа.