Вчера попладне, во 15.30 часот, во СВР Скопје било пријавено дека на автопатот „Пријателство“, во правец од Радишани кон селото Арачиново, се случила сообраќајна несреќа помеѓу патничко возило „фолксваген голф“, управувано од 64-годишниот С. М. од село Дељадровци, Скопско, и патничко возило „мерцедес“, управувано од 24-годишниот Е. А. од село Арачиново, двете со скопски регистарски ознаки, извести МВР.

„Во несреќата тешки телесни повреди добил С. М., а телесни повреди добил Е. А., констатирани во комплексот клиники ‘Мајка Тереза’“, соопшти МВР.

Извршен бил увид од екипа на СВР Скопје.