Ханси Флик е отпуштен од позицијата селектор на германската репрезентација по саботниот срамотен 4:1 пораз во пријателски меч од Јапонија, кулминација на лошата игра и резултатите. Тој е првиот германски селектор кој добил отказ по воведувањето на оваа функција во далечната 1926 година.
Поразот од Јапонија беше четврт во последните пет меча за Германија и 58-годишниот поранешен тренер на Баерн Минхен оствари само 12 победи во 25 меча откако го замени Јоаким Лев во август 2021 година. Флик започна со осум победи во низа, но формата полека паѓаше и кулминираше со испаѓањето во групната фаза на СП во Катар – во последните 12 месеци Германија ги победи само Оман, Костарика и Перу.
Руди Фелер, директорот на репрезентацијата и поранешен селектор од 2000 до 2004 година, ќе биде привремен селектор за време на пријателскиот меч против Фрaнција. Германците се домаќини на Европското првенство во 2024 година и не играат во квалификациите за континтеналниот шампионат.
ℹ️ Gesellschafterversammlung und Aufsichtsrat der DFB GmbH und Co. KG haben heute auf Vorschlag von DFB-Präsident Bernd Neuendorf beschlossen, Bundestrainer Hansi Flick sowie die beiden Co-Trainer Marcus Sorg und Danny Röhl mit sofortiger Wirkung von ihren Aufgaben zu entbinden. pic.twitter.com/WtAcUxJvb2
— DFB-Team (@DFB_Team) September 10, 2023
