Земјотрес со магнитуда од 3,3 степени според Рихтеровата скала во 9.31 часот е регистриран во Бугарија, на 11 километри од Благоевград.

Телеметриската сеизмолошка мрежа на Република Северна Македонија, на станиците инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, утрово на 4.9.2023 година во 9 часот и 31 минути регистрираше земјотрес со локална Рихтерова магнитуда ML3.3, чиј епицентар се наоѓа 140 km источно од Скопје во соседна Р. Бугарија.

Според досегашните податоци со кои располага опсерваторијата земјотресот е почувствуван од населението во Делчево, Тработивиште и околината со интензитет од III степени според Европската макросеизмичка скала.