Пак се разгоре пожарот кај Чешиново-Облешево.

„И покрај напорите на пожарникарите, пожарот кој вчера, доцна попладне, започна на територијата на Општина Чешиново – Облешево продолжи да гори низ висока сува трева, грмушки и деградирана шума, со зголемен интезитет. Утрово пожарот се движеше во атарите на селата Врбица, Рајчани, Буниш и Турско Рударе а пред малку се прошири и на територијата на Општина Пробиштип движејки се во насока на квалитетна шума“, вели директорот на ЦУК, Стојанче Ангелов.

За да се спречи влегување на пожарот во шума но и да се спречи загрозување на околните села, покрај пожарникарите од ТППЕ Кочани и Пробиштип, еден Ер трактор на ДЗС полета кон пожарот, а два полициски хеликоптери се подготвуваат за полетување.