Сообраќајот од Егејското Море до Мраморното Море е во прекин поради шумски пожар во северозападната турска провинција Чанаккале, соопштија денеска Министерството за транспорт и Агенцијата за логистика.

„Сообраќајот во Дарданелите беше прекинат во двата правци во вторникот во 18 часот и 45 минути поради интервенција на канадер кој зема вода од морето и гаснеше шумски пожар во регионот“, објавија медиумите.

Теснецот Дарданели, тесен и историски важен премин што ги поврзува Егејското и Црното Море, служи како витален поморски пат за бродовите што сообраќаат меѓу Европа и Азија.

„Влекачите се подготвени да интервенираат доколку пожарот се приближи до морската граница, со дополнителна поддршка на операциите за гаснење пожари кои се во тек“, соопшти Министерството за транспорт.