Вчера околу 11,40 часот било пријавено дека на улица „Каменичка“ мотоцикл „хонда“, управуван од 20-годишниот И.К. од Македонска Каменица изгубил контрола и излетал од коловозот по што И.К. испаднал од моторот, а моторот удрил во патничко моторно возило „рено лагуна“ со делчевски регистарски ознаки, управувано од 47-годишниот С.Д. од Делчево, извести МВР.

– Во незгодата со тешки телесни повреди се здобил И.К, кој на пат кон болница починал, соопшти МВР.

Од страна на лекар од итна медицинска помош констатирана е смрт.

Увид на местото на настанот извршиле Јавен обвинител и екипа од Полициска станица Делчево. По наредба на Јавен обвинител телото на починатиот е предадено за обдукција.