Генералниот секретар на Обединетите нации, Антонио Гутереш, е многу загрижен поради мизерните услови во кои моментално се наоѓаат претседателот на Нигер, Мохамед Базум и неговото семејство во импровизираниот притвор, соопшти денеска портпаролот на ОН.

Тој рече дека Гутереш ја повторил својата загриженост за здравјето и безбедноста на претседателот на Нигер и неговото семејство.

„Генералниот секретар уште еднаш повикува на негово итно, безусловно ослободување и враќање на функцијата шеф на државата“, рече портпаролот на ОН.