Литванија ја повика Европска Унија да ги користи балтичките пристаништа за извоз на украинско жито по суспензијата на Договорот за жито.

– Балтичките пристаништа би можеле да послужат како сигурна алтернатива за транзит на украински производи, вклучително и жито, се наведува во писмото на тројца литвански министри упатено до европските комесари.

Во писмото се истакнува дека балтичките пристаништа би можеле да помогнат во транспортот на 25 милиони тони жито годишно.

Литванија, наводно, побарала од ЕУ да ја намали бирократијата на границата на Украина со Полска.

Русија на 18 јули ги извести Украина, Турција и ОН дека го раскинува Договорот за жито поради непочитување на условите.