– Волонтерите при Клуб на млади на Црвен крст на РСМ при Општинската организација Делчево продолжија со активностите за справување со топлотниот бран. Согласно препораките на надлежните институции, а како дел од системот за одговор и дејствување при катастрофи и здравствено превентивно дејствување тие денес поделија шишиња со вода на најфрекфентните локации во градот.

-Со делење шишиња вода денес волонтери на Општинската организација на Црвен крст вршеа освежување на постарата популација која го посети градскиот пазар во Делчево. Овие активности се од особено значење за помош на повозрасната категорија граѓани за справување со топлинските бранови, истакнаа од Црвен крст Делчево.

Потенцираа дека со акциите за заштита на населението од топлотниот бран ќе продолжат и во наредниот период, се додека трае топлотниот бран.

-Имајки предвид дека топлотниот бран продолжува ќе им излеземе во пресрет на повозрасните граѓани, а акциите ќе се спроведат не само на градскиот пазар, туку и на поширокото подрачје во градот Делчево, додадоа од делчевскиот Црвен Крст.

Оттаму апелираа да се почитуваат препораките на здравдствените работници и без потреба да не се излегува во најтоплиот период од денот.