– Шеесет и четиригодишен затвореник осуден на смрт поради убиство е погубен денеска во Алабама со смртоносна инјекција, првпат во таа американска држава по укинувањето на забраната на егзекуциите во февруари.

Џејмс Барбер беше егзекутиран во затворот Холман во Атмор, Алабама, се вели во соопштението на јавниот обвинител Стив Маршал.

Тој беше осуден во Алабама во 2003 година за претепување на 75-годишната Дороти Епс до смрт со чекан за време на грабеж две години претходно.

Гувернерот на Алабама прогласи привремен мораториум на егзекуциите минатата година по проблемите со смртоносните инјекции и нареди ревизија на процесот на инјектирање.

Во третиот случај на неуспешна егзекуција, службениците не успеале да постават интравенска линија кај осудениот пред истекот на даденото време.

Републиканскиот гувернер ја укина суспензијата откако Одделот за затвори вклучи медицински експерти, набави нова опрема и спроведе испитувања.