Полициски службеници од СВР Струмица вчера го лишиле од слобода Г.К.(40) од Струмица. Се сомничи дека во текот на денот извршил тешка кражба, при што од возилото на Д.Н. одзел паричник.

Како што соопшти денеска МВР, кај него бил пронајден паричникот и предмети од здравствена установа во село Водоча, струмичко, при што од Б.Ц. бил одземен личен предмет.

Пронајдените предмети биле вратени на сопствениците, а лицето e задржано во полициска станица и со него e извршен службен разговор. По целосно документирање на случајот, од МВР најавуваат соодветна пријава.