Турскиот претседател Реџеп Таип Ердоган ќе ги пречека палестинскиот претседател Махмуд Абас и израелскиот премиер Бенјамин Нетанјаху на одделни средби идната недела.

Дирекцијата за комуникации на турскиот претседател соопшти дека двајцата лидери ќе ја посетат земјата на покана на Ердоган и ќе разменат мислења за актуелни регионални и глобални прашања.

За време на посетата на Абас на 25 јули, двете страни ќе разговараат за односите меѓу Турција и Палестина, најновите случувања во израелско-палестинскиот конфликт и други актуелни регионални и меѓународни прашања.

На средбата ќе се разговара за чекорите што треба да се преземат во насока на натамошен развој на соработката меѓу Турција и Палестина.

Ердоган ќе го прими Нетанјаху на 28 јули, а тема на разговор ќе бидат билатералните односи меѓу Турција и Израел.

На средбата ќе разговараат и за чекорите што може да се преземат за подобрување на соработката меѓу двете земји.

Се очекува за време на разговорите двете страни да разменат мислења за актуелните регионални и меѓународни прашања, како и за билатералните односи.