Општина Кисела Вода, заедно со Општинската Организација на Црвен крст–Кисела Вода, започнаа со спроведување на проектот „Топлотен бран 2023’’.

Како што посочуваат од Општината, во населбите 11-ти Октомври-згради и Цветан Димов, во Драчево и Пинтија, мобилни екипи составени од возило на Црвениот крст, медицинско лице, претставници од месните заедици низ општината, волонтери на Црвен крст, на граѓаните им делат шишиња со вода, а добиват и препораки како да се заштитат од високите температури.

Проектот продолжува и во наредните денови во сите поголемите паркови, на фреквентни локации, на пазарите, на автобуските постојки, низ сите месни и урбани заедници. Како локална самоуправа апелираме до сите граѓани за почитување на здравствените препораки на надлежните институции додека трае овој топлотен бран.