Две бебиња се спасени пливајќи на езерото Киву неколку дена откако поројни поплави и лизгање на земјиштето го опустошија регионот Калехе во Демократска Република Конго во источната провинција Јужен Киву минатата недела, оставајќи најмалку 411 мртви, објави ТВ РТ.

Доенчињата беа спасени одделно во понеделникот во заедниците Бушушу и Нјамукуби, за кои властите велат дека биле најтешко погодени од поплавите. Поплавите започнаа со поројни дождови на 4 и 5 мај.

Видеата од последиците ја покажуваат страшната штета нанесена од поплавите, вклучително и измиени патишта, за кои ТВ RT објави дека го отежнува пружањето помош на погодените области. Обединетите нации известуваат дека повеќе од 5.500 луѓе се уште се водат како исчезнати и проценуваат дека 3.000 домови и шест училишта се уништени или однесени.

Претходно оваа недела, локалните жители изјавија за медиумите дека многу од починатите биле закопани во масовни гробници „како свињи“, што ја поттикна владата да испрати ковчези во погодените области. Се очекува бројот на жртви да се зголеми, според официјалните лица, бидејќи продолжуваат напорите за спасување на жртвите и извлекување на телата.

Светската програма за храна во четвртокот соопшти дека на 50.000 луѓе итно им е потребна помош во храна.

извор rt.com